مراحل تطور العمر اللغوي للاطفال

بشوف امهات كتير بتسال هو ازاي اعرف ابني متاخر ف الكلام ولا لا... ده ولاد عمه بيتكلموا احسن منه اصل مش عارف ايه ..
وهكذا ...
دي مراحل تطور العمر اللغوي للاطفال:-
(من4ل6اسابيع)
-افعال واصوات انعكاسيه
(من 6 أسابيع ل 4شهور)
-ودي اسمها مرحله المناغاه ..بيبدا الطفل يتحكم ف اعضاء الكلام والطفل بيميل لتكرار اصوات زي اااغ،ااااه،دااااداااا
(من 4 شهور ل 7 شهور)
-بيزيد استقبال الطفل وتعبيره..-بدايه الجلوس...بيبدا يمسك ف الاشياءبيدرك المحيطين..بينتبه للاصوات وبتتحول لمقاطع
(من 7 شهور ل 10 شهور)
-زياده ف المقاطع الصوتيه ..بيبتدي ادراكه للاشياء..معرفه اصوات المحيطين ومحاوله تقليده..القدره ع الضحك ..بيبتدي يعرف السببيه..التحكم ف البكاء ..
(من 11 شهر ل 13 شهر)
-نطق اول كلمه ومعرفه مدلولها..-من سنه تبدا الكلمات المنفرده...هنا بتكون قدره الطفل ف الفهم كبيره جداا اكتر من تعبيره بالكلام
(من سنه ل سنه ونص )
-زياده اللغه التعبيريه (30_50)كلمه بينفذ الاوامر بيشاور ع الحجات الي بيعوزها ..او بيروح يجيها بنفسه بيدور ع الحاجه الي مش شايفها وبيكون عاوزها وبيكون عنده القدره ع انه يركب المكعبات
(من سنه ونص ل سنتين ونص )
-بيتحرك كتير جداا وبيكتشف الحجات المحيطه بتقل البرطمه وبتتحول لكلمات حقيقيه جمله مكونه من كلمتين بتزيد قدرته ع التعبير (100ل300)كلمه بيشاور ع الحجات باسمها ممكن الكلمات متكنش صح ف النطق ولا اللغه
(من 2 ل 3 سنوات )
-بيتطور النمو العقلي المعرفي للطفل -بيقدر يطابق الحجات الي زي بعضها بيبني مكعبات -جمل مكونه من 3كلمات مع تحري الدقه بيراعي القواعد اللغويه -بيقدر يوجهه الاسئاله حصيلته اللغويه بتزيد ل500كلمه كلامه بيكون قريب من كلام الكبار
(من 36 شهر ل 48 شهر)
ودي مرحله اسمها مرحله الصياق -حصيله اللغويه بتزيد ل1500كلمه -الجمل صياقها سليم بيقلد الكبار بنسبه كبيره جدا-بيفهم السؤال بيفهم الجمع والمفرد -بينقل الرساله..وهنا بنقول انه بيفتن بي هو مش بيكون كده😂 بيحكي حدوته وبيفهم احداثها ويجاوب ع اسالتها بيختار الكلام المناسب للمواقف المختلفه
(من 4 ل 5 سنوات )
-بتزيد الحصيله اللغويه ل2000كلمه استيعابه بيزيد جداااا -بيفهم مفهوم الاعداد بيقدر يعمل نموذج من اي حاجه بيستخدم القواعد اللغويه الربط..والافعال..-بيعييد الجمل الكبيره

كتابة و تنسيق : اخصائية تخاطب : "ساره السعداوي"
#مامتيديو