مشروع حضانة

مشروعنا اليوم هيكون مشروع حضانة ...

ممكن نركز مع بعض شويه نعرف فيها اهمية المشروع؟؟

المشروع ده ممكن يفيد ناس كتير جدا ...

1. هتوفر فرص عمل للناس اللي محتاجه شغل

2. هتشارك في فكرة التعليم المبكر

3. هتقدر تكتشف اطفال موهوبين

4. هتحقق لنفسك ريح مضمون

أستني عندك سمعاك وانت بتقول البلد اصلا بقي كلها حضانات ...

عندك حق بس تفتكر عددهم كافي والأطفال كل يوم في زياده مستمرة...

يعني دلوقتي أقدر اقولك ان مشروعك ده احنا فعلا محتاجينه

نتكلم بقي في المهم:-

أزاي تقدر تختار مكان مناسب للمشروع  وتحدد اذا كان يصلح للنشاط ولا لا؟؟

مبني الحضانه بيكون مكون من 3 او 4 غرف حسب الرغبة ومطبخ وحمام ... يفضل انه يكون دور ارضي عشان تستغل المساحة الخارجية ... أنتبه كويس لازم يكون المبني بعيد عن الشوارع الرئيسيه ويكون جيد التهوية ...

وبكده أقدر أقول الحمد لله احنا استقرينا علي مكان الحضانه 

الخطوه اللي بعدها التجهيزات :-

1. المطبخ : "بوتجاز و ثلاجه و لوازم المطبخ "

2. مكتب اداري : " كمبيوتر و مكتب بالكرسي و كراسي استقبال أولياء الامور و خزائن للملفات"

3. الغرف و المساحه الخارجية : "أرضيات فوم و ترابيزات وكراسي للاطفال ومكتبه وأرفف خشب و تكييفات واهم شئ لعب الأطفال "

4. الموظفين و العماال : " مدير  وممكن يكون هو نفسه صاحب المشروع – مشرفين – مدرسين – عمال نظافة

شكرا لحسن متابعتكم مع تمنياتنا لكم بمشروع ناجح

#مامتيديو